موضوع: كيف تصبح مواطنا أردنيا الجمعة فبراير 29, 2008 7:20 pm
كيف تصبح مواطنا أردنيا(نقلت الموضوع للتسلية مش اكثر ما حد يزعل )
بداية وحتى تصبح مواطنا أردنيا يجب عليك إتقان الكشرة الأردنية فهذا من أهم ما يميز الإنسان الأردني عن الإنسان العادي! البوز الملوي … والحواجب المعقودة …. وإذا نظر إليك أحدهم فقل له بكل استعلاء: (أبو الشباب ... ليش بتجح بخلقتي ... مضيع بوجهي شلن؟) هكذا تكون قد قطعت شوطا كبيرا نحو الاردنة تابعا للنقطة السابقة .... فلتسير على مبدأ اللي بيطلع عليك بعين ... اطلع عليه بنص عين يعني نظرة انقرافية بحته ... أي بالكلمات الأردنية: (كلك على بعضك مش شايفك) تعلم فن التعصيب ... وأقل كلمه تطلع زيفك (عصبيتك) عصب وصيح وبزق وانت بتحكي على شرطي المرور .. على الكونترول ... على سايق التاكسي المهم تتهاوش هوشه يوميه وتحرق وراها بوكيت (باكيت) دخان المواطن الأردني إنسان كالصخر خارق للمنطق والعادة .... ولا يخضع لأي عمليات حسابيه نضرب مثال.. المواطن الأردني العادي بدفع ايجار بيت 150 دينار كهرباء وميه حوالي 20 دينار عنده سياره قسطها الشهري 100 دينار وترخيص على بنزين على زيت تقريبا بالشهر 150 دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري احكي 150 أكل وشرب وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار 50 اله و 50 لحبيبته... ليش هي بتتنازل تشحن لحالها (حبيت تحكي اشحنلي ما حبيت فيه غيرك كتييير) صار المبلغ 650 تقريبا وهو كل راتبه 250 دينار .... كيف بتزبط معه ؟؟؟ الله اعلم !!! حتى تصبح مواطن أردني يجب ان يكون لديك او امتلكت في يوم ما أو تحلم بأن تمتلك احدى السيارات التاليه: كيا سيفيا هونداي اكسنت زعرا (والمقصود BMW 320 ) نيسان سني (حصريا للتكاسي) لف (والمقصود مرسيدس 200 موديل 82 وحتى 85) او 180 (المقصود مرسيدس موديل الستينات) ... وانتا بتلفها براحتك حتى تكون مواطن اردني يجب أن يكون أحد أقرباءك من مواليد الف وتسعميه وتنكه له سن ذهب حتى تكون مواطن اردني يجب أن يكون جدك قد امتلك نصف الشميساني أو عبدون في يوم من الايام .. وباعها بميتين ليره حتى تكون مواطن اردني عليك أن تكون دقرا .. تعلم المداقره واحد دق عليك الباب احكيله مين ؟ بس يحكيلك انا فلان .... قوله ع طول لا مش انت المهم تداقر شوي على أي موضوع حتى لو كنت عارف حالك غلطان حتى تكون مواطن اردني يجب أن يكون لك واسطه في كل دائرة حكومية قرابه او نسب او صحبه او ابن عم خالة جدها لمرة جار اخوك المهم تمشي حالك .. حتى تكون مواطن اردني تعلم فن التقسيط ... موبايل اقساط سيارة اقساط اثاث بيت اقساط جرابات اقساط ... لازم يصفي من راتبك كل شهر 13 ليره لانه الباقي اقساط!!! وتعلم ان تجد كفيلا يكون (خروف) (الكفيل الخروف: يعني كفيل أهبل يدفع عنك الأقساط التي تتهرب من دفعها) علشان يخصمو عليه هو ويخفف عليك شوي من اقساطك !!! ومع غلا هالاسعار ... بدك تتعلم فن الردح والمسكنة ..خصوصا ً على بوابات محطات البنزين عشان يصحلك دور بدري. ولازم تحاول تنسى طعم البيض .. والحليب تاع امك او غيره .. لأنو كله صار غالي وبالنسبة لباص رغدان .... انسى ... رفعوه مرة تانية ... اللحمة ... ممممم يعني ماله النباتي .... خليك هيك على بال ما يرفعو اسعار النباتات .... بعديها بنقلب صحراوي . والآن ما ضل عليك غير تحط لزيقة على تمك ... وبس يااااااا هلا مبروك ... أنت أردني !!!
منقووووووووووووووووووووووووووووووول
killerman عضو جديد
عدد الرسائل : 38 تاريخ التسجيل : 26/02/2008
موضوع: رد: كيف تصبح مواطنا أردنيا السبت مارس 01, 2008 2:51 pm
والله صعب اصير اردني
بس نسيت حاجه
انه يقول هاضا وش هاضا
وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار 50 اله و 50 لحبيبته..
انا مستغرب من حاجه على كل هدا وعنده حبيبه!!!!!!!!!!
ومشكووووووور اخويي على الموضوع الزاااااحف
الصراحه موضوع في غاية الروعه وتسلم ايدك
لاطم على فاطم مشرف قمر المنوعات والفكاهة
عدد الرسائل : 99 تاريخ التسجيل : 20/02/2008
موضوع: رد: كيف تصبح مواطنا أردنيا السبت مارس 01, 2008 9:12 pm
ههههههههههههه ذكرتني بالاردني اللي ويايي في الدوام شو هااااااض
Dark Divel عضو نشط
عدد الرسائل : 139 تاريخ التسجيل : 22/02/2008
موضوع: رد: كيف تصبح مواطنا أردنيا الأحد مارس 02, 2008 5:24 pm
killerman كتب:
والله صعب اصير اردني
بس نسيت حاجه
انه يقول هاضا وش هاضا
وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار 50 اله و 50 لحبيبته..
انا مستغرب من حاجه على كل هدا وعنده حبيبه!!!!!!!!!!
ومشكووووووور اخويي على الموضوع الزاااااحف
الصراحه موضوع في غاية الروعه وتسلم ايدك
الله يسلمك اخويي وشكرا على مرورك الأروع
Dark Divel عضو نشط
عدد الرسائل : 139 تاريخ التسجيل : 22/02/2008
موضوع: رد: كيف تصبح مواطنا أردنيا الأحد مارس 02, 2008 5:24 pm
لاطم على فاطم كتب:
ههههههههههههه ذكرتني بالاردني اللي ويايي في الدوام شو هااااااض
الجمعة فبراير 29, 2008 7:20 pm
