بسم الله الرحمن الرحيم
اللهم صل على محمد و آل محمد
جينه ننشد كربلا امضيعينـها بيها زينب قالوا اميـسريـنـها
يسروها و لا لــــهـا واحـد فزع شال حادي اضعونها ابساعي و قطع
جينا ننشد وين أبو فاضل وقع مـــا تــــدلونــا الــشــــريـعــة ويـــنـها
بس أشـوفه و الـعـتب مـني يزول و ادري ابو فاضل على النخوة يجول
عُذره حـقه يقــول مقـــطـوع الزنــود حـال مـلك الـمـوت بينـه و بــينها
جينا ننشد كربلا اعـليـها انـعتـب اتقول هاي ارجال و اتدور الغلب
حرمة زينب بيش مطلوبة ابذنب فـوق جـتل حـسـين و امـسلـبـيـنـها
ارد انــــشـدج كربـــلا عـنّ الـنزل اشلون ضعن الحرم شال ابلا دليل
إن جان قلتيلي يعاونها العلـيل بالــمرض مـشـدوه ويـنـه أُو ويــنــها
ارد انشدج هم صدق بالشام عيـد و حطوا ابطشت الذهب راس الشهيد
و مـن نشـد زينب ابديـوانه يزيد جــــاعــــده يــا واجــــفــــه امــخـــلـيـــنـها
جينه ننشد على العليل اللي انولى فوق ضعف المرض هالبلوة ابتلى
ليـش ما غـاصـت بهـلـها كربـلا من قطع بالسـيف راس احسـينها
جيـنــه نـنشد كربـــلا و زيـن الـعــبـاد روس شـالوها و بقـت بس الاجساد
اشلون جسمك سيدي امن المرض باد مـا حـصل واحـد حـظـه ابتــجـفـينها
جـينـه ننشد كربـلا عـن العـيال اشلون قللي لا وليها الضعن شال
خلوا السبـعين مـن غـير الاطـفال امـــذبـحــه ويــــلي و لا مســجـيـنها
جيـــنـــه ننـــشــد كربـلا و الدـمـع زاد بيها امية قضت بحسين المراد
كربلا اعليها بجت سبع الشداد وين شيعتها اشسبب ناسينها
للشاعر حجي زاير رحمه الله
نسألكم الدعاء....
الثلاثاء مارس 04, 2008 11:14 pm
